viernes, 16 de abril de 2021

Reciclaxe de produtos de escritura

 Por iniciativa dunha profesora do centro, a biblioteca vai iniciar unha campaña de recollida e reciclaxe de productos de escritura  para colaborar cunha das protectoras de animais da comarca, en concreto, Terracán.  

Se habilitará una caixa de cartón sita na entrada do centro como punto de reciclaxe e o material será levado a finais de curso á protectora.

Que buscamos? Bolígrafos, rotuladores, fluorescentes, portaminas, plumas e correctores tipo ratón que sexan de plástico e usados.

Para que? Para o seu posterior reciclaxe e a cambio recibir diñeiro para axudar aos pelud@s.

Premio Minerva 2021

 Temos a honra de ter como alumna a Carmen González que acaba de gañar un dos prestixiosos premios Literarios Minerva cuxo ámbito abrangue toda Galicia. 


O xurado dos Premios Literarios Minerva, organizados polo Colexio M. Peleteiro, reuniuse o xoves 18 de marzo para ditar o fallo da edición número corenta e nove dos recoñecidos galardóns. O xurado destacou a calidade das obras poéticas e dos relatos, o que semella garantir o futuro das nosas letras.

A entrega dos premios foi o 14 de abril nun acto literario no Colexio M. Peleteiro. Nel actuou como mantedor o escritor e historiador Ramón Villares Paz. Os e as autoras premiadas leron unha parte da súa obra como adianto á publicación do libro que recollerá íntegramente os traballos, editado polo Colexio M. Peleteiro.

1º PREMIO MODALIDADE DE NARRACIÓN: Carmen González Fernández, de 17 anos, alumna de 2º de Bacharelato do IES Fraga do Eume de Pontedeume, polo seu relato Teatro de fume. Premio de 600 euros e medalla de prata conmemorativa do certame.

Aquí a vemos xunto coa súa profesora de lingua galega Anxos García Fonte que a acompañou na ceremonia de entrega de premios:

Nesta ligazón podedes ler o seu texto premiado.

Parabéns !!


jueves, 15 de abril de 2021

Premios Min 2021

 Os Premios MIN da Música Independente nacen en 2009 para recoñecer a creación, a diversidade e a calidade artística das producións independentes realizadas en España e achegar a música e o proceso de produción ao público.

Hai 21 categorías e entre elas, unha adicada ao mellor álbum de música galega.

Se vos animades a votar premer nesta ligazón.

martes, 23 de febrero de 2021

Día de Rosalía de Castro

 O día 24 de febreiro conmemorase o día de Rosalía de Castro. 

Dende a biblioteca Fraga do Eume festexamos dita data para que Rosalía viva nas voces do noso alumnado. 

Tamén as rapazas e rapaces de 2º da E.S.O entrevistaron á súa profesora de galego, Anxos García, que publicou o curso pasado o libro Rosalía de Festa.

Este ano, por mor do Covid, foi todo diferente, e  botamos moito de menos o delicioso caldo de Gloria elaborado polo departamento de Hostalería do centro e tamén a presencialidade do acto.

Deixamos aquí uns audiovisuais ordenados por cursos:

1º E.S.O


2º E.S.O





3º E.S.O


1º BAC


martes, 16 de febrero de 2021

CONCURSOS

 O departamento de Lingua Castelá e Literatura infórmanos desta convocatoria: "La minería sostenible en tu vida"

 ANIMÁDEOS A PARTICIPAR!



 


lunes, 8 de febrero de 2021

14 de febreiro-Día do amor e a amizade



Actividade- Crear unha mensaxe de amor, afecto, cariño, dirixida a una persoa da familia, amigo/a, animal de compañía, libro, canción, deporte, paisaxe, ídolo, prato de cociña, postre, etc. Pode ser un texto, un poema, unha foto con texto, un WhatsApp… Liberdade total para crear (uso de emoticonos, símbolos, figuras,…).

Linguas- Pódese facer en calquera das linguas que se estudamos no centro (galego, castelá, inglés, francés, latín ou grego).

Dirixido a: profesorado, alumnado, persoal de servizo, familias.

Como facer? Escribir a mensaxe nun papel, cartolina ou outro soporte, escrito a man ou feito no computador. Depositalo na urna sita na entrada (introducila sen tocar a caixa) ou enviala a bibliofragadoeume@gmail.com

É necesario identificar o autor/autora? Queda á elección do propio participante. No caso de identificarse farao no dorso da mensaxe (parte de atrás) indicando o seu nome e apelidos, curso, ou situación: alumnado, profesorado, persoal de servizos, familias.

Exposición: Faranse públicas no blog da biblioteca aquelas mensaxes que garden o debido respecto, decoro,…

Agasallos: Haberá agasallos para todos aquelas mensaxes que veñan identificadas ao dorso (parte de atrás da folla). Ademáis os participantes gañarán un carimbo que puntuará e sumará no reconto de cara a finais de curso.

Prazo de entrega: ata o martes 23 de febrero. Entrega de agasallos: venres 26 de febreiro no segundo recreo na biblioteca.

Prema aquí para ver como é a cartolina dos Bibliopuntos e consigue todos os carimbos que poidas ata finais de curso!!

lunes, 7 de diciembre de 2020

A Biblioteca vai contigo: GaliciaLe

Galicia Le é unha plataforma de préstamo de obras en formato electrónico da Rede de Bibliotecas Públicas. Poderás acceder en calquera lugar e momento dende GaliciaLe.gal.
Tes a túa disposición libros, revistas, películas, curtos, audiolibros,... de variada temática: viaxes, ficción, historia, cociña, informática, historia, biografías,...Para todas as idades e para todos os lectores e as lectoras.
Podedes consultar máis información nesta páxina e aquí tedes o vídeo de presentación:



miércoles, 2 de diciembre de 2020

Novidades nos fondos da biblioteca

Deixamos aquí un vídeo no que se amosan os libros e materiais chegados á nosa biblioteca e dispoñibles para consulta e préstamo.

 Ademáis xa temos á vosa disponibilidade tres e-readers cargadiños de contidos....

Que disfrutedes dos nosos fondos!

 Lembrade que podedes facer peticións e suxerencias  a través do noso correo electrónico:

                                                 bibliofragadoeume@gmail.com

   

domingo, 29 de noviembre de 2020

25N-Día internacional contra a violencia de xénero

Durante este día proxectamos na televisón da entrada do I.E.S unha serie de audiovisuais con pezas musicais que tratan da violencia de xénero ou familiar. Unha lacra para a nosa sociedade que afecta non só ás mulleres, os seus fillos e fillas, familias,...

Queremos destacar aquelas cancións comprometidas cunha sociedade libre de violencia de xénero, pezas que fomentan a igualdade e tratan á muller dunha maneira respetuosa e igualitaria.

Nesta ligazón podedes ter unha listaxe creada para a ocasión.

 






Podedes ver outros vídeos musicais  nesta ligazón

No Pinterest da Biblioteca recompilamos unha chea de imaxes creando un cartafol para o 25N. 



Unha alumna gaña o premio de contos de Pontedeume

A alumna do noso centro Carmen González Fernández gaña o premio Contos de Pontedeume. 

Esta que escribe; non é máis que unha venideira neste centro, pero estou segura que as miñas compañeiras do Equipo da Biblioteca que levan anos traballando e aportando ideas e boas lecturas no seu Clube  sembraron algúns dos graniños que convertéronse nunha fermosa flor. As estanterías xélidas da nosa biblioteca poden convertirse nun invernadeiro florecente incluso no mes de  novembro.

Podedes ler a noticia neste ligazón.

Parabéns!!! 



GAÑADORAS DO III CONCURSO DE MICRORELATOS DE TERROR

 Finalmente, o venres 27 de novembro  no 2º recreo, tivo lugar a entrega de premios do III Concurso de Microrrelatos de Terror organizado pola Biblioteca e polo Equipo de Normalización Lingüística do centro.

Premio da categoría para 1º,2º e 3º de ESO: 

Mara Álvarez López de 1º de ESO

Ligazón ao microrrelato de Mara.

Premio da categoría para 4º ESO e Ciclos FP: 

Juana Cendán Martínez de 1º ZCOGA. 

Ligazón ao microrrelato de Juana.






Moitas grazas por participar e parabéns polo traballo realizado!!

Audios:


miércoles, 28 de octubre de 2020

III Concurso de Microrrelatos de Terror










O Equipo de Dinamización Lingüística xunto co Equipo da Biblioteca e o Departamento de Lingua Galega e Literatura convocan o III Concurso de microrrelatos de terror do IES Fraga do Eume.

         BASES

·    Pode participar todo o alumnado do centro. A participación é a 

título individual. Non se admitirán traballos colectivos.

·    Os textos terán unha extensión máxima de 500 palabras e estarán escritos en lingua galega.

··    O espazo/s en que se desenvolverá a historia será: o instituto, as Fragas do Eume ou ambos.

··   Os microrrelatos deberán entregarse nun sobre grande pechado, estar identificados cun título e firmados cun pseudónimo; a identidade do autor (nome e apelidos, grupo e correo electrónico) incluirase noutro sobre pechado que se adxuntará dentro do 1º.

   Poderán depositarse nunha caixa negra que se habilitará para tal fin

  na biblioteca do centro.

··    A data límite de presentación de relatos será o luns 16 de novembro 

de 2020, ás 12:30 h.

         PREMIOS

·     Un premio para alumnos e alumnas de 1º, 2º, 3º ESO e Formación Profesional Básica, que consistirá nun lote de libros.

··   Un premio para o alumnado de 4ª ESO, Bacharelato e Formación Profesional (ciclos medio e superior) que consistirá nun lote de libros.

          XURADO

   Estará formado por unha representante do Equipo da Biblioteca, unha representante do Departamento de Lingua Galega e Literatura e unha representante do EDL. Toda decisión do xurado será irrevogable, podendo declarar o premio deserto se, tras unha análise minuciosa dos microrrelatos enviados, os relatos presentados non tivesen a calidade suficiente.

         RESOLUCIÓN

·      O xurado dará a coñecer o resultado o luns 23 de novembro no segundo recreo na Biblioteca.

·      Os relatos gañadores  publicaranse na páxina Web no apartado do EDLG e no blog da biblioteca.

                                     

viernes, 16 de octubre de 2020

BENVIDOS E BENVIDAS Á BIBLIOTECA NESTE CURSO 2020-21

   A biblioteca este ano comeza a súa andaina un pouco máis tarde que en cursos anteriores debido a que durante as primeiras semanas do curso estivo ocupada para impartir clases de FP debido ás obras de mellora realizadas no centro. 

   Abrimos as portas o 13 de outubro para préstamos e, na semana do 19 de outubro xa procedemos ás devolucións. 

   Temos que recoñecer que temos un longo traballo por diante porque desde o Estado de Emerxencia quedaron moitos libros sen colocar, sen devolver e dar de baixa no Meiga. 

   Así mesmo, a pandemia causada polo Coronavirus fai necesario reformular o traballado en cursos pasados.

   É moi importante que respectemos o Protocolo Covid do Centro e o da Biblioteca que podedes consultar neste enlace. Tamén podedes consultar as normas xerais da Biblioteca neste outro documento.

   Durante estas primeiras semanas estamos a manter reunións presenciais cos novos usuarios do centro. Hoxe presentámonos ao alumnado de 1º de ESO e asignámoslles un número de lector.
    
      O alumnado pode presentarse como voluntario (durante as dúas primeiras semanas do curso) deixando os seus datos ao profesorado de garda da biblioteca ou escribindo á dirección de correo electrónico bibliofragadoeume@gmail.com Poderá darse de baixa durante o curso por diversas  circunstancias particulares que se lle presenten.
      
     Na entrada estarán expostos os horarios co profesorado responsable da apertura en cada momento. O alumnado poderá ter acceso á Biblioteca sempre que haxa un profesor encargado da mesma nese tramo horario ou cando así o decida un membro do Equipo Directivo ou o encargado/a da biblioteca.
         
   Empezamos, pois, este novo curso escolar, con toda a ILUSIÓN e sabendo que XUNTOS faremos este camiño.
  Apertas